ئەمریکا سەرەڕای مەحکوومکردنی پیلانی هێرش بۆسەر مستەفا کازمی سەرۆکوەزیرانی عێراق، ئەو تێرۆرە بێئاکامەی بە هەوڵێکی تێرۆریستی ڕوون و ئاشکرا ناوبرد.
نێد پرایس، وتەبیژی وەزارەتی دەرەوەی ئەمریکا، ڕۆژی یەکشەممە ١٦ی خەزەڵوەری١٤٠٠ی هەتاوی، لە بەیاننامەیەکدا وتی: دەوڵەتی ئەمریکا خوشحاڵە کە سەرۆکوەزیرانی عێراق، تەندروستی جێگیرە و ئەو کردەوە تێرۆریستییە بە توندی مەحکووم دەکەین و تێرۆریستەکان ئەمجارە، دڵی دەوڵەتی عێراقیان کردۆتە ئامانج.
ناوبراو لە درێژەدا وتی: ئێمە لەگەڵ هێزە ئەمنییەتییەکانی عێراق کە بەرپرسن لە پاراستنی ئەمنییەت، سەروەریی خاکی عێراق و یەکچارچەیی ئەو وڵاتە، بەردەوام لە پێوەندی ڕاستەوخۆ و نزیک داین و بۆ لێکۆڵینەوە و بینینەوەی بکەرانی ئەم هێرشە تێرۆریستییە ئامادەین هاوکاریی عێراق بکەین.
هەر لەم پێوەندییەدا شۆرای هاوکاریی وڵاتانی عەرەبی هێرش بۆ سەر مستەفا کازمی بە هەوڵێکی تێرۆریستی ناو دەبەن و بە توندی ئەو کردەوەیە مەحکووم دەکەن و داوای سزای قورس بۆ بکەرانی ئەو تاوانە دەکەن.
