هێزی هاوپەیمانیی عەرەبی بۆ پشتیوانی لە دەوڵەتی یاسایی یەمەن لە ماوەی ٢٤ کاتژمێردا ٢٩ هێرشی ئاسمانیی کردۆتە سەر میلیشیا حووسییەکانی یەمەن لە ناوچەکانی” بەیزا، سەرواح و ئەلجووف” و لە ئاکامدا ١٢٦ میلیشیای حووسی کوژراون.
وتەبێژی هێزە هاوپەیمانە عەرەبییەکان، ڕۆژی هەینی ١٤ی خەزەڵوەری ١٤٠٠ی هەتاوی ڕایگەیاند کە لە ماوەی ٢٤ کاتژمێری ڕابردوودا ٢٩ هێرشی ئاسمانیمان کردۆتە سەر میلیشیا حووسییەکانی سەر بە رێژیمی ئێران لە ناوچەکانی” بەیزا، سەرواح و ئەلجووف”، لە ئاکامی هێرشەکاندا ١٢٦ میلیشیای حووسی کوژراون.
وتەبێژی هێز هاوپەیمانە عەرەبییەکان بۆ پشتیوانی لە دەوڵەتی یاسایی یەمەن هەروەها ڕایگەیاند کە لە ئاکامی ئەو هێرشانەدا سەرەڕای وێران بوون و لەنێو چوونی بنکە و مۆڵگەی میلیشیا حووسییەکان لەو سێ ناوچەیە ١٦ ماشینی سەربازیی حووسییەکانی یەمەن تێکشکاون.
