کرێکارە گرێبەستەکانى ژوورى کۆنتڕۆڵ و سایت و هەروەها کرێکارانى یەکەى چاککردنەوەى پێترۆشیمى بێستوونى کرماشان، دەستیان لەکار کێشایەوە و مانیان گرت.
بەهۆی خراپی بارودۆخی ئابووری و سەختی کار و هەروەها نەدانی پارە و مووچەی مانگانە، کرێکارانی بەشە جۆراوجۆرەکانی پێترۆشیمی بێستوونی کرماشان دەستیان لەکار کێشاوەتەوە؛ هۆکاری زۆربەی ناڕەزایەتی کرێکاران لە گرینگی پێ‌نەدانی بەرپرسان بە کێشەکانیان و پشت‌گوێ خستنی داواکارییەکانی ئەم چینە زەحمەتکێشەیە کە بەهۆی بارودۆخی نالەباری ئابووری ئێران ڕۆژبەڕۆژ دۆخی ژیانیان دژوارتر دەبێ.
