دەست بە كار بوونی به‌نداوه‌کانی “سه‌یمه‌ڕه‌”و” که‌نگیر” لە ئیلام

بەنداوی كەنگیر و بەنداو و نیرووگای سەیمەرە لە ئیلام پاش ١٨ ساڵ دەستیان بە كار كرد.
بەپێی ڕاپۆرتی په‌یامنێری كوردستان‌و كورد پرۆژەی بەنداو و نیرووگای سەیمەرە لە پارێزگای ئیلام پاش ١٨ ساڵ‌و تێچووی هەزار و ٣٣٠ میلیارد تمەن گه‌یشته‌ ئاکام‌و دەستی بە كار كرد.
گرینگترین ئامانجی لێدانی ئەم بەنداوە، بەرهەم هێنانی بەرق، كۆنتڕۆڵ كردنی لافاو و ئاوە خوڕێنەكان، پەرە پێدانی که‌رتی جووتیاری لە ناوچە، دابینكردنی هه‌لی کاری‌و ئابووریی سه‌قامگیر له‌و ناوچه‌یه‌ ڕاگه‌یه‌ندراوه‌
لە لایەكی دیكە كاری پرۆژەی بەنداوی كەنگیریش لە شاری ئیوان تەواو بووەو گەیشتۆتە قۆناغی بەرهەمهێنان.
بە قسەی كاربەدەستانی پارێزگای ئیلام، بە كەلكوەرگرتن لە بەنداوی كەنگیر لە شاری ئیلام ئاوی خواردنەوەی پێویست بۆ خەڵكی ئەم شارە‌و ئاواییەكانی دەوروبەری دابین دەكرێ. تێچووی لێدانی ئەم بەنداوە ١٠٠ میلیارد تمەن ڕاگەیەندراوە.
كاربەدەستانی ئیلام دەڵێن پرۆژەی ئەم بەنداوە بە مەبەستی پەرەپێدانی كەرتی کشتوكاڵی پارێزگای ئیلام جێبەجی كراوه‌و ئاوداشتنی ٢ هەزارو ٥٠٠ هێكتار لە زەوییە كشتوكاڵییەكان لە ڕێگەی ئەم بەنداوە دەبێ.