تورکیە: بڕیاری شەڕ و چالاکییەکانمان بە دژی ڕۆژئاوای کوردستان لە جێی خۆیدایە و هەڵناوەشێتەوە.
ئەردۆغان، ڕایگەیاند کە، کە بە هیچ شێوەیەک بڕیاری عەمەلیاتی شەڕ بە دژی ڕۆژئاوای کوردستان هەڵناوەشێنینەوە و دەبێ ئەو بڕیارە جێبەجێ بکرێ.
بەپیی هەواڵی “ئاناتۆلی” ڕەجەب تەیێب ئەردۆغان سەرۆک‌کۆماری تورکیە، لە کاتی گەڕانەوەی لە ئەفریقا، لە وڵامی پرسیاری ڕۆژنامەنووسان لە بارەی بابەتی هێرش بۆسەر ڕۆژئاوای کوردستان وتی: دوابەدوای کوژرانی دوو کەس لە هێزەکانی پۆلیسی وڵاتەکەمان لە ڕۆژئاوا، لەسەر داواکاری هێچ لایەن و دەوڵەتێکی دیکە بڕیاری عەمەلیاتی شەڕ بە دژی ڕۆژئاوای کوردستان هەڵناوەشێنینەوە و هێرشی خۆمان ئەنجام دەدەین.
هەروەها ناوبراو لە بارەی هێرشەکانی ئەو دواییانەی ناوچەکانی ژێر کۆنتڕۆڵی هێزەکانی تورکیە لە ئیدلیب وتی: ئاگام لە تێڕوانینی حکوومەتی سوریە نییە، بەڵام هەنگاوگەلێکی پیویستمان لەبارەی “ئیدلیب” ئەنجامداوە و وڵامی هێرشەکانی ڕابردوو بە چەکی قورسەوە دەدەینەوە، ناتوانین چاوپۆشی لەو هێرشانە بکەین و دەبێ وڵامیان بدرێتەوە.
