ڕۆژی دووشەممە لە شارەكانی ئیلام، پاوەو هەرسین ٥ حاڵەتی ناڕەزایەتی دهربڕینو مانگرتن بەڕێوەچوو.
لە شاری ئیلام كۆمەڵێك لە خانەنشینهکانی ئیدارەی گشتیی دابینكردنی كۆمەڵایەتیی ئەم شارە بە هۆی دواكەوتنی مووچەی چهند مانگی ساڵ ٩٤یان لە شوێنی كارەكەیان لە شەقامی ڕەسالەت كۆبوونەوەی ناڕەزایەتییان بەڕێوەبرد.
گرووپێك لە كارمەندانی ئیدارەی گشتیی تەعاونییەكانی پارێزگای ئیلامیش بە هۆی پێنەدانی مووچەی مانگی ڕێبەندان، جێژنانهو پوڵی جلوبەرگی كار بە نیشانەی ناڕەزایەتی دەربڕین لە بەردەم ئەم ئیدارەیە لە شەقامی بەناو “دیفاعی موقەدەس” كۆبوونەوە.
لە شاری پاوەش كۆمەڵێك لە مامۆستایانی “حەقولتەدریس” بە هۆی دواكەوتنی مووچەی ٦ مانگیان لە بەردەم ئیدارەی فێركردنو پەروەردەی ئەم شارە مانیان گرت.
هەر لەم شارە گرووپێكی دیكە لە كارمەندانی ئیدارەی ڕێگەو شارسازیش بە هۆی دواكەوتنی مووچەی ٤ مانگو زیادەكارییهکانیان لە شوێنی ئەم ئیدارەیە لە شەقامی ئیمام محەممەدی غەزاڵی كۆبوونەوە.
هەروەها لە شاری “هەرسین”یش كۆمەڵێك لە كارمەندانی شیركەتی تەعاونی مادەی غەزایی “سەدەف” بە هۆی پێنەدانی مووچەی 2 مانگ، جێژنانەو ساڵانە لە بەردەم ئەك شیركەتە لە ئاوایی چێهر كۆبوونەوەی ناڕەزایەتییان بەڕێوە برد.
