ڕۆژی دووشەممە ١٧ی ڕەشەممە، جەلیل محەممەدی چالاكی كرێكاری، لە لایەن هێزە ئەمنیەتییەكانەوە لە ماڵەكەی خۆی لە شاری سنە دەستبەسەرو بۆ شوێنێكی نادیار ڕاگوێزرا.
بەپێی ڕاپۆرتی كومیتەی هاوئاهەنگیی بۆ یارمەتیدان بە پێكهێنانی ڕێكخراوە كرێكارییەكان ڕۆژی ١٧ی ڕەشەممە لە بەرەبەری ٨ی مارس، ڕۆژی جیهانیی ژناندا، دەورووبەری كاتژمێر 2ی پاش نیوەڕۆ هێزە ئەمنیەتییەكان هەڵیانكوتاوەتە سەر ماڵی جەلیل محەممەدی، چالاكی كرێكاریو ناوبراویان دەستبەسەر كردووەو بۆ شوێنێكی نادیار ڕایانگواستووە.
بەپێی ئەم هەواڵە لە كاتی دەستبەسەركردنی جەلیل محەممەدی، ماڵی دایكی ناوبراویشیان پشكینوە و مەئموورەكان هەموو كتێبەكان، گووشیی موبایل، فلاش و كامپیووتێری شەخسیی ناوبراویان لەگەڵ خۆیان بردوە.
شایانی باسه که پێشتریش چەند جار لە ماوەی ساڵانی ١٣٩١ تا ئێستا ئەم چالاكە كرێكارییە دەستبەسەرو زیندانی كراوه. جەلیل محەممەدی لە ٢٦ی جۆزەردانی ساڵی ١٣٩١ وێڕای كۆمەڵێك لە چالاكانی كرێكاری دەستبەسەرو حوكمی ساڵێك زیندانی تەعلیقی بەسەردا سەپێندرابوو.
