خوشکی شەهیدێکی حیزبی دێموکراتی کوردستان بە ناوی “مەلیحە ڕەزایی” خەڵکی ئاوایی “قۆجە”ـی ناوچەی هەوشار و خوشکی شەهید “عەبدولڕەحمان ڕەزایی”، فەرماندەی هێزی شەهیدانی ناوچەی هەوشار ماڵاوایی لە ژیان کرد.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی سێشەممە ٢٣ی خەرمانانی ١٤٠٠ی هەتاوی، خاتوو مەلیحە ڕەزایی، خوشکی شەهیدی فەرماندە عەبدولڕەحمان ڕەزایی، خەڵکی ئاوایی قۆجەی ناوچەی هەوشار لە تەمەنی ۷۲ ساڵیدا لە شاری بۆکان و بەهۆی ڕاوەستانی دڵەوە بۆ هەمیشە ماڵاوایی لە ئامانجی وەدی نەهاتووی برا شەهیدەکەی کرد و دڵە پڕ لە هیوالەی بۆ ئازادی کوردستان بۆ هەمیشە لە لێدان کەوت.
شایانی باسە کە شەهید عەبدولڕەحمان ڕەزایی، فەرماندەی عەمەلیاتی هێزی شەهیدانی هەوشاری حیزبی دێموکرات، ڕێکەوتی ۲٦ی بانەمەڕی ۱۳٦۲ی هەتاوی، لە یەکێک لە بەندیخانەکانی ڕێژیمی کۆماری ئیسلامیی ئێران لەسێدارە درا و پەیوەست بوو بە کاروانی نەمرانی کوردستانەوە.
لەلایەن ناوەندی ڕاگەیاندنی حیزبی دێموکراتی کوردستانەوە بەبۆنەی کۆچی‌دوایی خاتوو حەلیمە ڕەزایی پرسە و سەرەخۆشی خۆمان ئاراستەی بنەماڵەی ناوبراو و سەرجەم خەڵکی ناوچەی هەوشار دەکەین و خۆمان بە شەریکی خەمیان دەزانین.
