چالاکان و دڵسۆزانی دێموکرات لە شاری سەقز بەبۆنەی ١٧ی خەرمانان، ساڵوەگەڕی مووشەکبارانی قەڵای دێموکرات و ٢٦ی خەرمانان ساڵڕۆژی تێڕۆری ڕێبەری شەهید دوکتور شەرەفکەندی و هاووڕێیانی بە دەستی تێرۆریستپەروەرانی کۆماری ئیسلامی، چالاکیی تەبلیغییان بەڕێوە برد.
ڕۆژی ٢١ی خەرمانانی ١٤٠٠ی هەتاوی، ئەندامان و دڵسۆزانی حیزبی دێموکراتی کوردستان لە شاری سەقز، بەبۆنەی ١٧ی خەرمانان سێهەمین ساڵوەگەڕی مووشەکبارانی قەڵای دێموکرات لەلایەن ڕێژیمی ئێرانەوە کە بوو بەهۆی گیانلەدەستدانی ١٦ کەس لە کادر و پێشمەرگە و ئەندامانی ڕێبەریی حیزبی دێموکرات، و هەروەها ٢٦ی خەرمانان، ساڵوەگەڕی تێرۆرکردنی ڕێبەری شەهید دوکتور شەرەفکەندی و هاوڕێیانی لە ڕێستورانی میکۆنوس، بە دەستی تێرۆریستەکانی کۆماری ئیسلامیی ئێران، چالاکی تەبلیغییان بەڕێوە برد و پەیمانیان لەگەڵ شەهیدانی کوردستان نوێ کردەوە و بەڵێنیاندا تا گەیشتن بە ئامانجی شەهیدان درێژەدەری ڕێگا و ڕێبازی شەهیدان بن.
