وەزارەتی وزەی توركیە ڕۆژی ڕابردوو لە بەیاننامەیەكدا ڕایگەیاند كە وڵاتەكەی دهستی به چاکردنهوهی هێڵی لوولەی كەركووك ـ یومورتالیك كە نەوتی هەرێمی كوردستان بۆ دەریای مەدیترانە دەگوازێتەوە، کردوه.
چالاكیی ئەم هێڵە نەوتییە لە ڕۆژی ٢٨ی ڕێبەندانهوه ڕاگیراوه.
لە بەیاننامەی وەزارەتی وزەی توركیەدا هاتووە كە حیزبی كرێكارانی كوردستان، پ ک ک لە ناوچەی ئیدیل لە پارێزگای شێرناخ، له چهند جێ ئهو لوولە نەوتییهیهیان بۆمبڕێژ کردبوو، هەر بۆیە كاربەدەستانی توركیە بە هۆی نیگەرانیی ئەمنیەتی چالاکیی ئهم بۆڕییهیان بە شێوەی كاتی ڕاگرت.
وەزارەتی وزەی توركیە هەروەها لە بەیاننامەیەكی دیكەدا ڕایگەیاندوە كە ئەم هێڵی لوولە نەوتییە لە چەندین جێگەی دیكەش بۆمبڕێژ کرابوو كە هەموویان لە لایەن توركیەوە پووچەڵ كراونهتهوه.
هەروەها هەواڵدەریی رۆیتێرز دەڵێ نزیك بە ٤ هەزار هێزی پۆلیسو پاسەوانی سنوور و پسپۆڕی بواری بۆمب پووچەڵكردنەوە لە عەمەلیاتێكی بەربڵاودا بەشدارییان كردوه.
كاربەدەستانی تورك لە ماوەی چەند ڕۆژی ڕابردوودا ڕایانگەیاندبوو كە چالاكیی ئەم هێڵە نەوتییە لانیكەم دوو تا سێ حەوتووی دیکهش ڕادهگیرێ، ئەم هەواڵە توڕەیی كاربەدەستانی هەرێمی كوردستانی بەدوادا هات لەبەر ئەوەی كە بەشی هەرە زۆری داهاتی هەرێمی كوردستان لە ڕێگەی گواستنەوەی ئەم هێڵە نەوتییەوە دابین دەكرێ.
سەفین دزەیی، وتەبێژی هەرێمی كوردستان ڕۆژی پێنجشەممەی حەوتووی ڕابردوو ڕایگەیاند كە بۆمبدانانهوهی پ ك ك له سهر ریی ئهو لووله نهوتییه لانیكەم تا ئێستا ١٠٠ میلیۆن دۆلاری زیان له ئابووریی هەرێمی كوردستان داوه..