یەکەمین کۆمەڵە شێعری چوارینەی کوردیی باشوور بەرهەمی بابەک دەوڵەتی، شاعیری کرماشانی چاپ و بڵاو کرایەوە.
بابه‌ك ده‌وڵه‌تی له ساڵی ١٣٥٣ی هه‌تاوی له شاری كرماشان له دایك بووه و خاوه‌نی بڕوانامه‌ی ماستەری زمان و ئه‌ده‌بیاتی فارسییه و له ساڵی ١٣٧٢ به شێوه‌ی پڕۆفیشناڵ لە بواری ئەدەبییە کار دەکا.
ناوبراو له بواری شێعری فەلسەفییەوە شاره‌زا و پسپۆڕه و له غه‌زه‌ڵه‌كانیدا له سه‌رچاوه‌ی فه‌لسه‌فی كه‌ڵك وه‌رده‌گرێ.
شایانی باسه بابه‌ك ده‌وڵه‌تی له شاری كرماشان به‌ڕێوه‌به‌رایه‌تی چه‌ند ڕێكخراوه‌ی ئه‌ده‌بی له ئه‌ستۆ گرتووه و و له‌و بواره‌وه هاوكاری لاوانی كرماشانی كردووه.
جێی ئاماژه‌یه نابراو چه‌ند ده‌وره نووسه‌ر و به‌ڕه‌وه‌به‌ریی به‌شی زانستی و فستیڤاڵه جۆرجۆره‌كان و داوه‌ریی كێبه‌ركێ ئەدەبییەکانی قوتابییانی كرماشان بووه، هه‌روه‌ها له ڕۆژنامه‌وانیشدا شاره‌زایی هەیە و ساڵانێك لاپه‌ره‌ی ئه‌ده‌بیی ڕۆژنامه و گۆڤاره‌كانی ناوچه‌ی له ئه‌ستۆ گرتووه.
