لەژێر دەسەڵاتی کۆماری ئیسلامیی ئێراندا، ماددەی هۆشبەری “کمیکال” لەنێوان مێرمنداڵانی تەمەن ١٢تا١٤ساڵان زۆرترین بەکارهێنانی هەیە تاکوو لەنێو گەورەساڵەکاندا.
ڕۆژنامەی “شەرق” بە ئاماژە بە تەشەنە سەندنی مەترسیداری ماددەی هۆشبەری “کمیکال” نووسیویەتی: یەک لە جیاوازی و مەترسییەکانی ئەو ماددە هۆشبەرە لەگەڵ ئەوانی دیکە ئەوەیە کە مێرمنداڵانی تەمەن ١٢تا ١٤ساڵان تووشی دەبن و بە ئازادی لەنێو پارک و شوێنە گشتییەکان بەکاری دێنن، بێ ئەوەی هێزە ئەمنییەکانی کۆماری ئیسلامی هیچ ڕێگرییەکیان لێ بکا.
تووشبوونی مێرمنداڵانی خوار تەمەن ١٨ساڵ بە ماددەی هۆشبەر، یەکێک لە سیاسەتەکانی کۆماری ئیسلامیی ئێرانە و ڕێژیم دەیهەوێ لەو ڕێگەیەوە زیاتر تەمەنی دەسەڵاتە سەرکوتکەرەکەی دريژتر بکاتەوە و لە ڕێگەی جۆراوجۆر لاوانی وڵات تووشی ماددەی هۆشبەر دەکا بۆ ئەوەی هەست بە نادادپەرەوەری، زوڵم و سەرکوتەکانی ڕێژیم نەکەن.
