کۆڕی فێرکاریو فەرهەنگیی ئەدەب لە شاری بۆکان بەبۆنەی ٢ ی ڕەشەممە، ڕۆژی جیهانیی زمانی دایک کۆریادێکی بەڕێوەبرد.
لەو ڕێورەسمەدا کە ڕۆژی چوارشەممە، ٥ی ڕەشەممە بەبەشداریی دەیان کەس لە ئەدیبانو هۆگرانی ئەدەبو زمانی کوردی بەڕێوەچوو، ڕێز لە ڕۆژی زمانی زگماکو هەروەها یادو بیرەوەریی مامۆستا هەژار، زمانناسی گەورەی کورد نرا.
لەو کۆرە ئەدەبییەدا کەلایەن سەید یاسین قوڕەیشی بەڕێوە دەبرا، مستەفا ئیلخانیزادە، حوسێن شێربەگیو خالید عەسکەری لەسەر گرینگیی خوێندنو پەروەردە بە زمانی دایکیو چەند بابەتێکی پێوەندیدار بە زمانی کوردی وتاریان پێشکێش کرد.
خوێندنەوەی شێعرو پەخشان لەلایەن هادی قەدیمی، سەیدزادە قاقان، خاتوون ڕووپاک، فەوزیە سوڵتانبەگی، سووسەن حەسەنزادە، ئامینە چاک، سەید تەها حوسێنی، رەحمان جەوانو حوسێن گڵۆڵانی چەند بڕگەی دیکەی ئەو کۆڕیادە بوون.
ئەو کۆڕە ئەدەبییە بە کردنەوی پیشانگای کاریکاتۆری برایانی قوڕەیشیو حەیرانی عەلی فروتەم بە شمشالی خالید عینایەتی درێژەی پێدراو لە کۆتاییدا خەڵاتی رێزلێنانی کۆڕی فێرکاریو فەرهەنگیی ئەدەب پێشکێش بە چەند مامۆستای خولەکانی زمانی کوردی، رەحمان جەوان، سووسەن حەسەنزادەو فەوزییە سوڵتانبەگی کرا.
