کەسێکی خەڵکی بۆکان بەناوی وەستا عەلی عەزیززادە لەلایەن ئیدارەی ئیتلاعاتی بۆکانەوە دەسبەسەر کرا.
بەپێی ڕاپۆرتی پەیامنێری “چاونیوز” لە شاری بۆکان هێزێکی زۆری ئیدارەی ئیتلاعات کاتژمێری ٤ی بەیانیی ڕۆژی چوارشەممە، ٦ی گەلاوێژ هەڵیان کوتاوەتە سەر ماڵی کەسێک بە ناوی وەستا عەلی عەزیززادە و دەسبەسەریان کردووە.
هێزەکانی ئیتلاعات لەگەڵ دەسبەسەرکردنی وەستا عەلی دەستیان بەسەر کۆمەڵێک کەلوپەلی ناوبراو وەک موبایل و هەروەها کۆمپیوتێر و لەبتابی ماڵەوەیان داگرتووە و لەگەڵ خۆیان بردوویانە.
وەستا عەلی عەزیززادە کە سەروو ٥٠ ساڵی تەمەنە، کەسێکی وەرزێرە و پاش ١٠ ڕۆژ لە گیرانی و، سەرەڕای هەوڵ و بەدواداچوونی ناسیاوانی تا ئێستا ڕوون نییە سەبارەت بە چی گرتوویانە و لەکوێ بەند کراوە.
