پارتی دێموکراتیکی گەلان “هەدەپە” لە باکووری کوردستان لە پەیامێکی تویتێریدا یادی ٣٢ ساڵەی تێرۆری دکتور قاسملوویان بەرز ڕاگرت.
لەو پەیامە تویتێریەدا پارتی دێموکراتی گەلان، ئاماژە ی بە ڕۆڵ و کەسایەتیی دوکتور قاسملوو کردووە و ڕایگەیاندووە کە کە وەک پارتی دێموکراتیکی گەلان لەو ڕۆژەدا سەری ڕێز و نەوازش بۆ ڕووحی مەزنی ئەو ڕێبەرەی نەتەوەی کورد دادەنەوێنن.
شایانی باسە پارتی دێموکراتیکی گەلان وەک سێهەمین پارتی وڵاتی تورکیە، هەموو ساڵێک یاد و بیرەوەریی دوکتور قاسملوویان بەرز ڕاگرتووە.
جێگای ئاماژەیە کە کەسایەتیی و لایەنە سیاسیی و مەدەنییەکانی هەر چوار پارچەی کوردستان لە شێوە و پەیامی جۆراوجۆردا یادی ئەو ڕیبەرە مەزنەی کوردیان بەرز ڕاگرت و بەڕیزەوە یادیان کردەوە.
