ڕۆژی دووشەممە لە سێ شاری كوردستان، چەندین كۆبوونەوەی ناڕەزایەتیی دەربڕین لەلایەن چینو توێژە جۆراوجۆرەكانی كۆمەڵگاوه بەڕێوەچوو.
لە شاری ئیلام كۆمەڵێك لە كرێكارانی شارەداری بە مەبەستی ناڕەزایەتی دەربڕین لە بابەت پێنەدرانی مووچەی مانگی بەفرانباری خۆیان لە بەردەم شارەداریی ئیلام لە مەیدانی بەناو شوهەدا كۆبوونەوە.
لە شاری بانەش كۆمەڵێك لە پێرسۆنێلی ئیدارەی بێهداشت بە نیشانەی ناڕەزایەتی دەربڕین سەبارەت بە پێنەدرانی حەقی٤ مانگ ئیزافەكاریو كرێ خانووی خۆیان، خۆپێشاندانێكیان وەڕێ خست.
هەروەها كۆمەڵێكیش لە كارمەندانی خزمەتگوزارییەكانی ئیدارەی بەرق لە شاری قوروە، لە بابەت وەرنەگرتنی مووچەی ٢ مانگ و باقی حەق و مافەكانی خۆیان لە بەردەم ئەم ئیدارەیە لە شەقامی خومەینی كۆبوونەوە.
لە لایەكی دیكەشەوە خوێندكارانی زانكۆی پەیامی نووری قوروە، بۆ نیشاندانی تووڕەیی خۆیان لە بابەت پێ نەدرانی وامی خوێندكاری لە لایەن زانكۆوە، لە شوێنی كاروباری ڕیفاهی خوێندكاریی ئەم زانكۆیە لەم شەقامی چەمڕان كۆبوونەوەو ناڕەزایەتیی خۆیان بە گوێی كاربەدەستانی ئەم زانكۆیە گەیاند.
