چوار هاووڵاتیی لە شارەکانی سنە و ورمێ لە لایەن هێزە ئیتلاعاتییەکانی کۆماری ئیسلامییەوە دەسبەسەر کران.
ڕۆژی یەکشەممە ٢٠ی پووشپەڕی ١٤٠٠ی هەتاوی، سێ هاونیشتمانی ناوچەی مەڕگەوەر سەر بە شاری ورمێ بە ناوەکانی “مامەڵ عەبدی”، “خورشید ئیبراهیمی”و “جەلال ئیبراهیمی” لەلایەن هێزەکانی ئیتلاعاتی سپای پاسدارانەوە دەسبەسەر کران.
هەروەها ڕۆژی پێنج شەممە ١٧ی پووشپەڕی ساڵی ١٤٠٠ی هەتاوی، مێرمنداڵێکی ١٧ ساڵانی خەڵکی سنە بەناوی “فەرشید مەجیدیی نژاد” لە سنووری بانە لەلایەن هێزەکانی ئیتلاعاتەوە دەسبەر کراوە.
شایانی باسە کە تاکاتی ئامادەکردنی ئەم هەواڵە لە هۆکاری دەسبەسەرکردن و شوێنی ڕاگیرانی ئەو چوارکەسە هیچ زانیارییەک لە بەردەستدا نییە.
