ڕەزا سەفدەری، فەرماندەی هێزەکانی سپای قودس لە سووڕیە بەهۆی تەقێنەوەی بۆمبێک کوژرا.
بەپێی ڕاپۆرتی هەواڵدەریی” فارس” سەر بە سپای پاسدارانی ڕێژیم، ڕۆژی هەینی ١٨ی پووشپەڕی ١٤٠٠ی هەتاوی، ڕەزا سەفدەری یەکێک لە فەرماندەکانی سپای قودسی رێژیمی ئێران لە سووریە بەهۆی تەقینەوەی بۆمبێکەوە کوژرا.
ڕەزا سەفدەری کە یەکێک لە فەرماندە سەربازییەکانی سپای قودس لە سووریە بووە، لە کاتێکدا لەنێو ماشێنە سەربازییەکەی لە ناوەندی سووریە دەسووڕایەوە، بەهۆی بۆمبێکەوە ماشینەکەی دەتەقێندرێتەوە و دەکوژرێ.
