لە درێژەی سکاڵای چالاکانی کۆمەڵایەتی و سیاسیی که ئەزموونی بەندکران و ڕاگرتن لە گرتووخانەی تاکەکەسیان هەبووە، ۵ بەندکراوی بیروڕا و سیاسیی لە بەندیخانەی سنە سکاڵایان لە دژی «ئەشکەنجەی سپی» تۆمار کرد.
مەحموود سادقی، حەیدەر قوربانی، حوسێن کەمانگەر، ئەکبەر گەوێلی و حەبیب لەتیفی بەندکراوانی سیاسیی سنە، هاوکات لەگەڵ ڕۆژی جیهانیی پاڵپشتی لە قوربانیانی ئەشکەنجە سکاڵایان دژی بەڕێوەبەر و کاربەدەستانی بەندکرانیان لەگرتووخانەی تاکەکەسی لە نووسینگەی بەندیخانەکەدا تۆمار کرد. پێشتریش ۱۷ کەس لە بەندکراوانی سیاسی لە بەندیخانەی ئێڤین و ڕەجایی‌شەهر سکاڵایان تۆمار کردبوو.
شەپۆلی سکاڵا دژی گرتووخانەی تاکەکەسی لە مانگی ڕەشەممەی ڕابردوو دەستی پێ کرد که نەرگس محەممەدی وتەبێژی ناوەندی داکۆکیکارانی مافی مرۆڤ و گرووپێک لە بەندکراوانی پێشوو بە تۆمارکردنی سکاڵا بۆ ناوندە یاساییەکان، داوایان کردبوو کە کاربەدەستان و فەرماندەران و جێبەجێکارانی حوکمی دەسبەسەری و ڕاگرتنیان لە گرتووخانەی تاکەکەسی سزا بدرێن.
