هەوڵ و چالاكیی چالاكوانانی مەدەنی و ژینگەپارێزیی كورد بۆ ڕزگاریی “كانی بڵ” لە هەورامان بەردەوامە و ئەمەش کاردانهوهی ئیدارەی ئیتلاعاتی شاری سنەی لێکهوتهوه.
لقی پێنجەمی لێپرسینەوەی دادگای شاری سنە دوكتور”موختار هاشمی”ی مامۆستای زانكۆی لەپەیوەندی لەگەڵ بەرنامەكانی پاراستنی كانی بڵ، بانگ كرد.
دوكتور موختار هاشمی لە ماوهی چەند ساڵی ڕابردوودا لە بواری پاراستنی ژینگە و بەتایبەتی ههلومهرجی كانی بڵ، زۆر چالاك بووە و بانگ کرانی بۆ دەزگای قهزایی، پەیوەندیی بەو چالاكییانەوە هەیە، هەندێ لە هێزە ئەمنییەكانی حكوومەتی ئیسلامی، بە چالاكییە هەرەوەزییەكانی دوكتور هاشمی توڕه بوون و بە شوێن بیانوویەكدا دەگەڕان كە ناوبراو ئازار بدەن.
د. هاشمی وێڕای پشتڕاست كردنەوەی ئەو هەواڵە دەڵی ” به نامهیهک بانگ کراوم، بەڵام لەبەر ئەوەی كە ئێستا لە تارانم نەمتوانیوە سەردانی دادگای سنە بكەم، لە ڕەوتی بەستنی بەنداوی “داریان” و دەرنجامە زیانبارەكانی ئەو كارەی حكوومەت بۆ ژینگەی هەورامان و كانی بڵ، كەمپەینێك بۆ ڕزگاریی ئەو سەرچاوە سروشتییە گرینگەی كوردستان دامەزرا كە دكتۆر هاشمی سەرپەرستییەكەی وهئەستۆ گرتووە.
دوكتور موختار هاشمی خاوەنی بڕوانامەی “دوكتورای عومران” ـ مودیرییەتی سەرچاوە ئاوییەكانی زانكۆی “نیوكاسل”ی بریتانیایە، دكتۆر هاشمی، بێجگە لە مامۆستایەتی لە زانكۆی كوردستان لە سنە خاوەنی چەندین كتێب و نووسراوهیه لە بوارەكانی ئاو و مودیرییەتی سەرچاوە سروشتییەكان.