بەندكراوێكی سیاسیی كورد كە لە بهندیخانهی ورمێ دەستبەسەرە لە لایەن بەرپرسانی ئەو زیندانە هەڕەشەی لێ كراوە كە دەبێ سیخوریان بۆ بكاو لە ئەگەری بەرێوە نەبردنی ئەو بڕیارە ماوەی زیندانییەكەی درێژتر دەكرێتەوە.
بە پێی سهرچاوه ههواڵدهرییهکان لە ماوهی چهند رۆژی رابردوودا بەندكراوێكی سیاسی كورد بە ناوی”ناجی تەمووزادە” كە لە زیندانی دەریای ورمێ دەسبەسەر کراوه، لە لایەن هێزەكانی ئیدارە ئیتلاعات هەڕەشەی لێ كراوە كە دەبێ سیخوڕییان بۆ بكاو ئەگەری ئەو بڕیارەی ئهوان جێبهجێ نهکا لە دادگای چەند خولەكی سزای دیكەی بەسەردا دەسەپێنین.
سەرچاوەیەكی ئاگادار لەم بارهیهوه دەڵێ: ئەم زیندانییە سیاسیە كوردە لە ساڵی ٩٣ی هەتاوی دەسبەسەر كراوە، و بەرپرسانی ئیتلاعات هەڕەشەیان لێ كردوە كە دەبێ چالاكانی مەدەنی و سیاسیان پێی بناسێنێ و لە گەڵ ئورگانە دەوڵەتیەكان لە بەشی سیاسی و ئەمنیەتی هاوكاریان لەگەڵ بكا.
شایانی باسه ناجی تەمووزادە بهندکراوی سیاسیی كوردو خەڵكی ورمێ ساڵی ٩٣ی دەسبەسەر و بەتۆمەتی هاوكاری لەگەڵ حیزبە كوردیەكان سزای ٥ ساڵ زیندانی تەعزیری بەسەردا سەپاوە، ناوبراو تهنانهت مافی ههبوونی پارێزەریشیان لێ ستاندۆتهوه.
