ئێوارەی ڕۆژی شەممە ٢٩ی جۆزەردان، بەهۆی داڕووخانی دیواری بەشێک لە تونێلی کەبیرکێوی ئیلام، کرێکارێک کوژرا و کەسێکی دیکەش بریندار بووە.
عەباس زەیدی، بەرپرسی پەیوەندییە گشتییەکانی ئۆرژانسی ١١٥ی ئیلام لە وتووێژێکدا، لەگەڵ هەواڵدەریی حکوومەتی “فارس” ڕایگەیاندووە: “کەڵکوەرگرتن لە ماددەی تەقەمەنی، هۆکاری ڕوودانی ئەو ڕووداوە بووە”.
زەیدی هەروەها وتوویەتی: “کرێکاری برینداربووی ئەو ڕووداوە، بۆ چارەسەری پزیشکی گواستراوەتەوە بۆ نەخۆشخانە”.
ئێران لە بواری لەبەرچاونەگرتنی پرسەکانی ئیمەنیی کار لە جیهاندا، پلەی ١٠٢هەمینی هەیە.
