بەرپرسێكی پەروەدەو فێرکردنی پارێزگای كرماشان دهڵێ، لە كۆی دانیشتوانی ئەو پارێزگایە، ٢٩١ هەزار كەس نەخوێندەوارن.
محەمەدڕەزا بەسامی” جێگری ئیدارهی نەهێشتنی نەخوێندەواریی پەروەدەو فێرکردنی كرماشان راگەیاند، “لەكۆی ئەو رێژەیە ٢٩١ هەزار كەسیان تەمەنیان سەرووی ١٠ ساڵ و ٨٠ هەزار كەس تەمەنیان لە نێوان ١٠ هەتا ٤٩ ساڵ دایە.
ههروهها ناوبراو ئاماژەی بەوەش کرد له ماوی یهک ساڵی رابردوودا ژمارەی نەخوێندەوارانی سەرووی تەمەن ١٠ ساڵی كرماشان ٣٢٠ هەزار كەس بووە و بەپێی سەرچاوەکان لە ساڵی داهاتووی هەتاویشدا هەمان ئەو بەربەستانە لەبەردەم پرۆسەی خوێندن لە پارێزگای كرماشان بەردەوام دەبن.
ئهگهرچی بەرپرسانی پەروەردەیی باس لە باشتربوونی بارودۆخی پەروەدە لە پارێزگاكانی رۆژهەڵاتی كوردستان دەكەن، بەڵام رۆژ لەدوای رۆژ بارودۆخی پەروەردە بەرەو خراپی دەچێ و رەچاوكردنی سیاسەتی هەڵاواردن لەلایەن حكوومەت بووەتە هۆی زیاتربوونی رێژەی نەخوێندەواری و جیا لەمانە كەمیی قوتابخانە و كەموكۆڕی و داڕووخانی ناوەندەكانی خوێندن لە گوندەكانی رۆژهەڵات كێشەیەكی دیكەیە.
شایانه باسه که ههر ئێستا سێ مامۆستای كورد بەهۆی ناڕەزایی دەربڕین بە دۆخی پەروەردە لە زیندانەكانی كۆماری ئیسلامی دان.
