کۆمیتەی دەرەوەی وڵاتی یەكیەتیی ژنانی دێموكراتی كوردستان، وێبینارێكی بۆ بەڕێزان خاتوو موژگان عەلیپوور سكرتێری یەكیەتیی ژنانی دێموكراتی كوردستان و بەڕێز كاك خالید حەسەنپوور ئەندامی ڕێبەری حیزبی دێموكراتی كوردستان، سەبارەت بە بایکۆتکردنی هەڵبژاردنەکان پێکهێنا.
موژگان عەلیپوور باسی لە پرۆسەی هەڵبژاردنەکانی ئێران کرد و گوتی کە هەڵبژاردن لە ئێران نەک لەسەر بنەمای دێموکراسی نیە، بەڵکوو گاڵتە کردنە بە دێموکراسی. هەڵبژاردنێک کە خەڵک تێیدا نەتوانن چاڕەنووسی خۆیان دیاری بکەن هەڵبژاردن نیە،ژنان نابێ دەنگ بدەن بە دەسەڵاتێک کە لە ئەوان تەنیا وەک دەنگدەر کەڵک وەردەگرێ.
خالید حەسەن پووریش لەو باسەدا وتی: کۆماری ئیسلامی هەتا ئێستا دوو قۆناغی لە ژیانی خۆی تێپەڕکردووە و ئێستا و لەو هەڵبژاردنەشدا چۆتە نێو فازێکی دیکەی ژیانیەوە کە، ئەو رێژیمە بە کردوە بەرەوو دیکتاتۆریی رووت دەبات،هەروەها مەودای نێوان دەسەڵات و خەڵک زۆرتر دەبێ و دژایەتی سیستەم لەلایەن خەڵکەوە دەگۆڕدرێ بۆ دوژمنایەتی سیستمی کۆماری ئیسلامی.
