پڕۆژەی ئێران کڵاود، زۆر بە خیرایی لە ناوەندە ئیتلاعاتییەکانی ئێراندا خەریکی جێبەجیکردنە و کۆماری ئیسلامی دەیهەوێت بە شێوەی کۆرەی باکوور سێخوڕیی لەسەر ئینتێرنێت بکا.
کۆمپانیای ئاروان کڵاود، سەر بە هێلدینگ فەناپ کە لەژێر چاوەدێری ڕاستەوخۆی عەلی خامنەیی و لەلایەن محەممەد جەواد ئازەری جەهرومی بەڕێوە دەچێ، زۆر بە خێرایی خەریکی جێبەجێکردنی پڕۆژەیەکە لەژێر ناوی” ئێران کڵاود” و دەیهەوێت چاوەدێری هەموو تۆڕە کۆمەڵایەتییەکان بکا.
پڕۆژەی ئێران کڵاود لە چوارچێوەی بەربڵاوکردنی” شەبەکەی میللی ئیتلاعات” بەرپرسانی کۆماری ئیسلامیی ئێران دەس‌ئاوەڵا دەکا کە ئینتێرنێتی جیهانی دابخەن و لە ئێراندا، تەنیا لە ئینتێرنێتی نێوخۆیی کەڵک وەربگیرێت.
کۆمیتەی زانیارییەکانی ئەمریکا، پێشتر لە راپۆرتێکدا رایگەیاندبوو کە هەکێرەکانی” ئاروان کڵاود” بە فەرمانی عەلی خامنەیی هێرشێکی سایبێری بەربڵاوی کردۆتە سەر پڕۆسەی هەڵبژاردنەکانی ٢٠٢٠ی سەرۆککۆماری ئەمریکا.
