ئیسماعیل قائانی فەرماندەی سپای قودسی پاسدارانی ڕێژیمی ئێران سەردانی عێراقی کرد.
بەپێی هەواڵی هەواڵدەریی ئەلعەرەبیە ڕۆژی چوارشەممە ١٩ی جۆزەردانی ١٤٠٠ی هەتاوی، ڕایگەیاند کە ئیسماعیل قائانی فەرماندەی قودسی سپای پاسدارانی ئێران بۆ چاوپێکەوتن لەگەڵ حیزبە سیاسیسەکان و بەرپرسانی دەولەتی عێراق سەردانی بەغدای کرد.
قائانی لە سەفەرەکەیدا دەیهەوێ لەگەڵ ڕێبەرانی میلیشیا چەکدارەکانی عێراق چاوپێکەوتنی هەبێ و سەبارەت بە گرژی و ئاڵۆزییەکانی ئەو دواییانەی نێوان ئەو گرووپ و دەوڵەتی مەستەفا کازمی وتوێژ بکا.
جێی ئاماژەیە کە ئیسماعیل قائانی دوای کوژرانی قاسم سولەیمانی فەرماندەی پێشووی سپای قودس، کە لە نزیک فڕۆکەخانەوی هەولێر لەلایەن فڕۆکەی بێفڕۆکەوانی ئەمریکاییەوە، لەلایەن عەلی خامنەیی وەک فەرماندەی سپای قودس هەڵبژێردرا.
لەماوەی ڕابردوودا، بەهۆی بڕیارەکانی مستەفا کازمیەوە دژ بە هێزەکانی حەشدی شەعبی گرژی و ئاڵۆزی کەوتە نێوان حکومەتی عێراق و گروپە جیاوازەکانی حەشدی شەعبیەوە، دوایین گرژیی و ئاڵۆزی کۆتایی مانگی ڕابردوو بوو بەهۆی دەسبەسەرکردنێکی بە ڕواڵەتی قاسم موسلیح، فەرماندەی حەشدی شەعبی، کە تۆمەتبار بوو بە کوشتنی چالاکانی سیاسی و مەدەنی و هێرش بۆ سەر هێزەکانی ئەمریکا لە عێراق، کە ڕۆژی چوارشەممە لەلایەن دادگای عێراقەوە بە بێ تاوان ناسێندرا و ئازاد کرا.
