هێرشی فڕۆکە بێ فڕۆکەوانەکان لە عێراق لە ستراتیژیی نوێی ئێران‌دا

فڕۆکە بێ فڕۆکەوانەکان لە عێراق لە ستراتیژیی نوێی ڕیژیمی ئێرانە‌دا بۆ هێرش بۆ سەر هێزەکانی ئەمریکا بە کار دێن.
ماڵپەڕی نەشناڵ، ڕۆژی یەکشەممە ١٦ی جۆزەردانی ١٤٠٠ی هەتاوی، لە راپۆرتێکدا لە بارەی خستنەخوارەوەی دوو فڕۆکەی بێ‌فڕۆکەوان لە ئاسمانی بنکەی سەربازیی ئەمریکا لە عەینولئەسەد لە پاریزگای ئەنبار نووسی: هێرشی فڕۆکەی بێ فڕۆکەوان لە عێراق لە ستراتیژیی نوێی ڕێژیمی ئێران‌دا بۆ هێرش بۆ سەر هێزە سەربازییەکانی ئەمریکا جێی گرتووە.
لە ڕاپۆرتی نەشناڵ‌دا هاتووە کە، هێزی بەرگری ئاسمانیی عێراق دوو فڕۆکەی بێ‌فڕۆکەوانی لە سەر ئاسمانی بنکەی هێزەکانی ئەمریکا لە “ئەلئەسەد”ـی دەشتی ڕۆژئاوای ئەو وڵاتەی لەناو بردووە و نەیهێشتووە ئامانجەکەی بپێکێ کە ویستوویەتی بنکەی سەربازیی ئەمریکا لە عەینولئەسەد بکاتە ئامانج.
بەکارهێنانی فڕۆکەی بێ فڕۆکەوان، بەدژی هێزەکانی ئەمریکا بەشێکە لە ستراتیژی سپای پاسدارانی ڕێژیمی ئێران و هێزی قودسی ئەو ڕێژیمە کە شارەزای کردەوەی تێکدەرانە و تێرۆریستیین و بۆ ئەم مەبەستە لەگەڵ میلیشیاکانییان لە عێراق هاواهەنگی دەکەن.