مستەفا ئەلکازمی، سەرۆک وەزیرانی عێراق ڕووبە هادی عامری دەڵی: دەبێ میلیشیاکانی حەشدی شەعبی بکشێنەو و واز لە کردەوەی تێرۆریستیی بێنن، ئەگەر حەشد نەکشێتەوە شکستی دەوڵەتی عێراق لە ئەستۆی شێعەکاندایە.
هادی عامری سەرۆكی هاوپەیمانی فەتحی حەشدی شەعبی سەربە کۆمارى ئیسلامى، لەسەر دەسبەسەرکردنى “قاسم موسڵیحى” فەرماندەى باڵاى حەشدى شەعبی کە تاوانبارە لە کوشتنى چالاکوانانی عێراقى، بە فەرمانى مستەفا کازمى، بە هێزێکى گەورە و زرێپۆشەوە هەڵیكوتایە سەر ناوچەی سەوزى بەغدا و دەسبەسەر کرا وتى؛ هەر کەس بە هەر پاساوێک شکۆی حەشدی شەعبی بشکێنیت، دەیەوێت شکۆی دەوڵەت بشکێنێت، حەشدی شەعبی بە خوێنی خۆی شکۆی دەوڵەتی بونیات ناوە و هەندێک گرتن و ئەشكەنجەدان هەیە هەرگیز پێى ڕازی نابین.
ڕۆژنامەی ئەلعەرەبییە، ڕاپۆرتێکى لەسەر گرژییەکانى بەغدا و هێرشى شێعەکان بۆ سەر کازمى بڵاو کردەوە و نووسىویەتی: مستەفا كازمی، هەڕەشەی ئەوەی لە هادی عامری سەرۆكی بەدر كردووە کە ئەگەر چەكدارەكانی حەشد نەچنە دەرەوە، ئەوە لە وتارێكی تەلەڤیزیۆنیدا دەستلەكاركێشانەوە ڕادەگەیەنێت و هۆکارى شکستى دەوڵەتەکەش دەخاتە ئەستۆی هێزە شێعەكان و عامریش بەوە شۆک بووە و لە پێداگریی زۆری كازمی و پێی وانەبووە دەست بۆ فەرماندەیەكی باڵای حەشد ببات و بڕوای نەكردووە لەسەر هێشتنەوەی لە بەندیخانە ئەوەندەش پێداگریی بكات.
