فەرماندەیی سێنتکام: هەبوونی ئیمە لە ناوچەکەدا بۆ ڕووبەڕووبوونەوەی هێرشەکانی ئێرانە

ژنێراڵ فرانک مەکێنزی دەڵێ: هەبوونی هێزەکانی ئەمریکا لە ناوچەکەدا پێش لەهێرشەکانی ئێران دەگرێ و بۆ ڕووبەڕووبوونەوەی ئەگەری هێرشەکانی ئێران گرینگە هەموو وڵاتانی ناوچەکە چەکی پێشکەوتوویان هەبێ.
ژنێراڵ مەکێنزی، فەرماندەی هێزەکانی ئەمریکا لە ڕۆژهەڵاتی ناوەڕاست ڕۆژی دووشەممە ٣ی جۆزەردانی ١٤٠٠ی هەتاوی لە چاوپێکەوتنێکدا لەگەڵ فەیاز ئەلرویلی، فەرماندەی گشتیی هێزەکانی عەرەبستان وتی: ئێمە لە ئەگەری هەرجۆرە جوڵەیەکی سەربازیی مەترسیدار لەلایەن هێزەکانی ئێرانەوە ئامادەیەن وڵامی خێرای سەربازیی ئەو وڵاتە بدەینەوە.
بەپێی ڕاپۆرتی هەواڵدەریی ئاسۆشیتێدپرێس، ژنێراڵ مەکێنزی بەئاماژە بە بڕیاری دەوڵەتی ئەمریکا لەهەمبەر کەمکردنەوەی هێزەکانی لە ڕۆژهەڵاتی ناوەڕاست وتی: ئێمە هێزەکانمان لە ناوچەکە کەم دەکەینەوە بەڵام هێزە تایبەتەکانمان ئامادەی ڕووبەڕووبوونەوەی هەرجۆرە ئەگەرێکی لە ناکاودان.