لە بەرەبەری بانگەشەی بەربژێرەکان بۆ دەنگدان و هاتنە سەر سندووقەکانی دەنگدان لە ئێران نرخی سەرەکیترین پێداویستییەکانی ژیان سەتا ٥٠ بەرز بووەتەوە.
بەربژێرەکانی هەڵبژاردنەکان لە کاتێکدا بۆ بانگەشەی خەڵک بۆ سەر سندووقەکانی دەنگدان هەموویان باس لە ئاسایش و خۆشبژیوی بۆ خەڵک دەکەن، لە نێوان هەراوهوریای دروشمدانەکان نرخی برنج، ڕۆن و شەکر سەتا ٥٠ بەرز بووەتەوە.
بەپێی هەواڵی دۆیچەوێڵە نرخی ڕۆن سەتا ٣٥،شەکر سەتا ٣٠ و نان سەتا ٥٠ بەرز بووەتەوە بەبێ هیچ ڕاگەیاندنێکی پێشوەختە و هیچ کام لە بەرپرسانی دەولەت و ئیدارەکانی فەرمیی لە بارەی گرانبوونی ئەو شتانە هیچ باسێک نەکراوە.
ئەوە لە کاتێکدایە کە سەرەرای بەرزبوونەوەی نرخی سەرەکیترین پێداویستییەکانی ژیان لە ئێران و سەرەرای پەرەسەندنی کۆرۆنا دەبێ خەلک بە چەندین ساعەت لە بەر درگای فرۆشگاکان لە ڕیزدا بوەستن بۆ کڕینیان.
