چارەنووسی ١١ ژنە بەهاییی خەڵکی ئیسفەهان لە دوای دەسبەسەر کرانیان هەروا ناڕوونە.
١١ ژنە بەهایی خەڵکی ئیسفەهان بە ناوەکانی شوورئەنگیز بەهامین، ڕۆئیا ئازادخۆش، مریەم خورسەندی، سارا شەکیب، فیروزە ڕاستینژاد، سەناز ڕەستە، ئازیتا ڕێزوانی، موژگان پوورشەفیع، نەسرین خادەمی، نووشین هیمەت و شۆعلە ئاشووری، لە پاش دەسبەسەر کردنیان چارەنووسیان ناڕوونە، شوعلە ئاشووری و سارا شەکیب، لەو ماوەیەدا هیچ پێوەندییان بە بنەماڵەکانیانەوە نەگرتووە و تا ئێستا بەدواداچوونی بنەماڵەکانیان بێ ئاکام ماوەتەوە.
جێی ئاماژەیە کە ٩ کەس لەو هاووڵاتییانە ڕۆژی ٥ی بانەمەڕ و دوو کەسی دیکەشیان ڕۆژی١٠ و ١٥ی، بانەمەڕ لەلایەن هێزەکانی ئیتلاعاتەوە دەسبەسەر کراون و لەو ماوەیەدا ماڵی لانیکەم ٢٩ بنەماڵەی بەهایی لەلایەن ئەو ناوەندانەوە پشکێنراون و دەستیان بە زۆربەی کەلوپەلی شەخسیی ئەو کەسانەدا گرتووە.
