بە پێی هەواڵی ناوەندی مافی مرۆڤ بۆ ڕۆژهەڵاتی کوردستان( چاونیوز)،ڕۆژێک پێش جێژنی ڕەمەزان، هێزە بەکرێگیراوەکانی ڕێژیم لە مەریوان وپارێزگای سنە کاتژمێر ٢ی نیوەشەو هەڵیانکوتاوەتە سەر دووکانداران وکاسبکارانی شاری مەریوان لە دەوروبەری زرێبار و زەرەر وزیانێکی زۆریان گەیاندوەتە کاسبکاران ودووکاندارانی ئەو شارە.
بەپێی ڕاپۆرتی هەواڵدەرییەکان شەوی چوارشەممە ٢٢ی بانەمەڕی ١٤٠٠ی هەتاوی، هێزە سەرکوتکەرەکانی رێژیم لە شاری مەریوان کاتژمێر ٢ی نیوەشەو هێرش دەکەنە سەر دووکاندارەکانی قەراخ گۆلی زرێباری مەریوان و زەرەر و زیانێکی زۆریان لێدەدەن و لەبەرەبەرەێ ڕۆژی جێژنی ڕەمەزاندا هەردووکاندارێک خەساری ٥ تا ١٠ میلیۆن تمەنی بەردەکەوێ.
