دوو هاونیشتمانی خەڵکی “قوروە” لەلایەن هێزەکانی ئیدارەی ئیتلاعاتی ئەو شارەوە دەسبەسەر کران.
بەپێی هەواڵی ناوەندی مافی مرۆڤ بۆ ڕۆژهەڵاتی کوردستان چاونیوز، ڕۆژی پێنج شەممە ١٦ی بانەمەڕی ١٤٠٠ی هەتاوی، دوو هاونیشتمانی خەڵکی شاری “قوروە” بەناوەکانی “داریووش خالدیان” ٢٢ ساڵە و “موحسێن سەعیدی” ٢١ ساڵە بەبێ بەڵگەی قەزایی لەلایەن هێزەکانی ئیدارەی ئیتلاعاتەوە دەسبەسەر کران.
بە وتەی سەرچاوەیەکی ئاگادار، ئەو دوو لاوە دوای دەسبەسەرکران بۆ شوێنێکی نادیار گوازراونەتەوە و سەرەڕای هەوڵەکانی بنەماڵەکانیان بۆ ئاگادار بوون لە چارەنووسیان، تا ئێستا لە لایەن ناوەندە ئیتلاعاتییەکانەوە هیچ زانییارییەک بە بنەماڵەکانیان نەدراوە.
