لە بەشێکی بەربڵاو لە ناوچە شاخاوییەکانی لوڕستان بە پیلان و پشتیوانیی سپای پاسداران خەڵکانێکی هەلپەرەست خەریکی چاندن و پەرەپێدانی ماددەی هۆشبەر لە جۆری تریاکن.
بە پێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان ماوەیەکە سپای پاسداران بۆ پەرەپێدانی خووگریی و لە درێژەی پیلانەکانییاندا بە دژی خەڵکی کورد لە ناوچەکانی لوڕستان و لەکستان بە هاوکاریی کەسانی بەکرێگیراو و هەلپەرەستی ناوچەکە خەریکی چاندن و بەرهەمهێنانی ماددەی هۆشبەری تریاکن و بۆ ئەم مەبەستەش لە ناوچە شاخاوییەکانی لەکستان و لوڕستان بە چڕیی خەریکی ئەو پیلانە نگریسەن.
خەڵکی لوڕ و لەک دەبێ زیاتر ئاگاداری ئەو پیلانگەلەی ڕێژیم بن و ئیزن نەدەن کەسانێک بە پشتیوانیی ڕێژیم و بۆ دەسکەوتی ماددی و تایبەتی خۆیان خەڵکی ناوچەکە لەوەزیاتر تووشی نەهامەتی و خووگریی بکەن.
چاندنی ماددە هۆشبەرەکان لە لۆڕستان بە پیلان و پشتیوانیی سپای پاسداران
نوێترین
