لە ماوەی چەند ڕۆژی ڕابردوودا چەند جار هێرش کراوەتە سەر بنکەکانی سەربازیی بەلەد و عەینۆلئەسەد لە عێراق و ئەمریکا دیسان بێدەنگە.
بەپێی هەواڵی هەواڵدەریی هێزەکانی سەربازیی عێراق، ڕۆژی سێشەممە ١٤ی بانەمەڕی ١٤٠٠ی هەتاوی، بنکەی سەربازیی “عەینۆلئەسەد” پاش چەند کاتژمێر دوای هێرشەکەی سەر بنکەی سەربازیی”بەلەد” لە پارێزگای سەلاحەدین لە عێراق کرایە ئامانجی مووشەکیی.
هەواڵدەریی ئەلعەرەبییە لەو بارەوە ڕایگەیاند کە بە سێ کاتیوشا هێرش کراوەتە سەر بنکەی سەربازیی “بەلەد” و پاش چەند کاتژمێرێکیش هێرشیکی دیکە کراوەتە سەر بنکەی “عەینول ئەسەد”و فەرماندەی ئەو بنکەیەش ئەوەی پشتڕاست کردۆتەوە و وتی: ئەو هێرشە هیچ خەسارەتێکی گیانی نەبووە”.
هەر وەها ڕۆژی یەکشەممە ١٢ی بانەمەڕ پێنج مووشەک بنکەی سەربازیی هاوپەیمانیی نێونەتەوەیی لە فڕۆکەخانەی بەغدای کردە ئامانج.
سەرەڕای ئەوەیکە ڕۆژی ڕابردوو وتەبێژی وەزارەتی بەرگریی ئەمریکا نیگەرانیی خۆی لەو بارەوە دەربڕی و ڕایگەیاند کە هێزەکانی ئەمریکا لە کاتی پێویستدا وڵامی ئەو هێرشانە دەدەنەوە بەڵام لە ماوەی هاتنەسەرکاری دەوڵەتی بایدێن ئەمریکا هیچ کاردانەوەیەکی بەو هێرشانە نەبووە.
هێرشی مووشەکیی بۆ سەر بنکەکانی سەربازیی ئەمریکا لە عێراق
نوێترین
