هەکێرەکانی ڕیژیمی ئێران بە هێرشکردنەسەر کۆمپانیایەکی ئیسرائیلی زانیارییاکانی ئەو کۆمپانیایەیان بڵاو کردۆتەوە.
بەپێی ڕاپۆرتی هەواڵدەریی”وای نێت”ی ئیسرائیل، ڕۆژی دووشەممە ١٣ی بانەمەڕی ١٤٠٠ی هەتاوی، گرووپێکی هەکێر بەناوی” ئێن تری، تی وێرم” لە هێرشێکی سایبێریدا بۆ سەر کۆمپانیای ئیسرائیلی “وێریتاس” زانیارییەکانی سیستەمی ئەو کۆمپانیایەی هەک کردووە و بۆ ئازادکردنی داوای ٢٣٥هەزار دولاریان کردووە.
بەپێی ئەم ڕاپۆرتە کۆمپانیای وریتاس داوای هەکێرەکانی ڕەت کردوەتەوە و پاشان هەکێرەکان زیاتر لە ١٨هەزار بەڵگەی دزراوی ئەو کۆمپانیایەیان بڵاوکردوەتەوە.
لە درێژەی هێرشە سایبێریەکانی ئێران و لە ماوەی ڕۆژانی ڕابردوودا، هێرشێکی سایبێری دیکە کراوەتە سەر کۆمپانیای ئیسرائیلیی” ئێچ، ئەند، ئێم” و هەکێرەکان ڕایانگەیاندوە کە ئەگەر داواکارییەکانیان جێبەجێ نەکەن، زانیارییە نهێنییەکانی ئەو کۆمپانیایە بڵاو دەکەنەوە.
