بنکە و بارەگاکانی ئەمریکا و هێزی هاوپەیمان لە بنکەی سەربازیی “بەلەد” لە پارێزگای سەلاحەدین بە٣مووشەک کرایە ئامانج.
بەپێی ڕاپۆرتی هەواڵدەریی ئەلعەرەبییە شەوی دووشەممە ١٣ی بانەمەڕی ١٤٠٠ی هەتاوی، بنکەی سەربازیی”بەلەد” لە پارێزگای سەلاحەدین کە شوێنی نیشتەجێبوونی هێزەکانی ئەمریکا و هاوپەیمانەکانە کرایە ئامانجی ٣ مووشەکی گرووپە میلیشیاکانی سەر بە ڕێژیمی ئێران.
وەزارەتی بەرگریی ئەمریکا، سەرەڕای ئاماژە بەوەیکە بەشێک لە هێزە هاوپەیمانە نێونەتەوەییەکان بۆ ڕووبەڕووبوونەی داعش لە بنکەی سەربازیی ” بەلەد” جێگیرن وتی: لەو هێرشە مووشەکییەدا کە کراوەتە سەر ئەو بنکە سەربازییە، هیچ جۆرە زەرەر و زیانێک وەبەر هێزەکانمان نەکەوتووە.
جێگای ئاماژەیە کە ڕۆژی یەکشەممەش بنکە و بارەگاکانی ئەمریکا و هێزی هاوپەیمان لە نزیک فڕۆکەخانەی نێودەوڵەتیی بەغدا، کرایە ئامانجی ٥ مووشەکیی گرووپە میلیشیاکانی سەر بە ڕێژیمی ئێران.
هێرشی مووشەکیی بۆ سەر بنکە وبارەگاکانی هاوپەیمانان لە پارێزگای سەلاحەدین
نوێترین
