دوو هاونیشتمانی دیکە لە شارەکانی کامیاران و پیرانشار دەستبەسەر کران.
بەپێی هەواڵی ناوەندی مافی مرۆڤ بۆ ڕۆژهەڵاتی کوردستان”چاونیوز”، ڕۆژی چوارشەممە ٤ی بانەمەڕ لە شاری پیرانشار، هاونیشتمانییەک بەناوی “عەلی بەزازی” خەڵکی ئاوایی “زێوە”ـی سەربە باژێری خانێ لەلایەن ئیتلاعاتی سپای پاسدارانەوە دەسبەسەر کراوە.
تا کاتی ئامادەکردنی ئەم هەواڵە لە شوێنی ڕاگیران و هەروەها هۆکاری دەسبەسەرکردنی و بە گشتیی چارەنووسی ناوبراو نادیارە.
هەروەها لە شاری کامیارانیش، ڕۆژی کۆتایی مانگی خاکەلێوەی ١٤٠٠، هاونیشتمانییەک بەناوی “فارووق قازی” خەڵکی ئاوایی “کورەدەڕە”ی سەربە شاری کامیاران بەهۆکاری ناڕوون لەلایەن هێزە ئیتلاعاتییەکانەوە دەسبەسەر کراوە و چارەنووسی نادیارە.
