چوار هاوڵاتی کورد کە یەکێکان تەمەنی ژێر ١٨ ساڵە لە شارەکانی کرماشان، ورمێ، بانە و پیرانشار کۆتاییان بە ژیانیان هێنا.
بەپێی هەواڵی هەواڵدەرییەکان و لە دڕێژەی گوشارە سیاسیی و ئابوورییەکان بۆ سەر خەڵکی کوردستان، ڕۆژی هەینی١٠ی بانەمەڕی ١٤٠٠ی هەتاوی، هاووڵاتییەکی کرماشانی بە ناوی ” هوشەنگ فەرەجی” بە هۆی گۆشاری ئابووری و بێکاری بە خواردنی حەب کۆتایی بە ژیانی خۆی هێنا.
هەروەها لە لایەکی دیکەوە ڕۆژی شەممە ۱۱ی بانەمەڕ، هاووڵاتییەک بە ناوی “ئەحمەد عەباسی نەژاد” خەڵکی گوندی “ئەنەبی” سەر بە تەرگەوەریی پارێزگای ورمێ بە هۆکاری نادیار خۆی کوشت و لە شاری پیرانشار، مێرمنداڵێکی تەمەن ١۶ ساڵ بەناوی “ئۆمید ئەحمەدی نەژاد” کۆڕی حەیدەر بە هۆکاری نادیار کۆتایی بە ژیانی خۆی هێنا.
هەمان ڕۆژ ١١ی بانەمەڕ لە شاری بانە، ئیسماییل کەریمی شاعیری ناسراوی بانەیی ناسراو بە کام_ژین، بە هۆکاری نادیار کۆتایی بە ژیانی خۆی هێنا.
