پەیامی هاوخەمیی سکرتێری گشتیی حیزبی دێموکراتی کوردستان بۆ دوکتۆر بەرهەم ساڵح، سەرۆک کۆماری عێراق

بەڕێز کاک دوکتۆر بەرهەم ساڵح، سەرۆک‌کۆماری عێراق
وێڕای سڵاو،
بەبۆنەی کارەساتی ئاگرکەوتنەوەی نەخۆشخانەی “ابن خطیب” کە لە ٢٤ی ئاوریلی ٢٠٢١ی زایینی ڕوویدا و گیان لەدەستدانی ٨٢ کەس و برینداربوونی زیاتر لە ١٠٠ کەسی دیکەی لێکەوتەوە کە بەشی زۆریان بۆ چارەسەری نەخۆشیی کۆرۆنا لەو نەخۆشخانەیە خەوێندرابوون، لەلایەن دەفتەری سیاسی حیزبی دێموکراتی کوردستانەوە سەرەخۆشی خۆمان ئاراستەی بەڕێزتان و حکوومەتی عێراق و بنەماڵە و کەسوکاری قوربانییەکان دەکەین. سێبووری بۆ کەسوکاری گیان‌لەدەستچوان و ساغی و تەندروستی بۆ بریندارەکان بە ئاوات دەخوازین.
لەگەڵ ڕێزم
خالید عەزیزی
سکرتێری گشتیی حیزبی دێموکراتی کوردستان
26/04/2021