لە ڕۆژانی ڕابردوودا چەندین کەس لە شارەکانی کوردستان لە لایەن ئیئتلاعاتی سپای پاسدارانەوەدەسبەسەر کراون.
ڕۆژی چوارشەممە ١ی بانەمەڕی ١٤٠٠ی هەتاوی،هاوڵاتییەكی كورد بە ناوی ”سەفیە مامەشپوور” خەڵكی پیرانشار، هاوژینی بەکرێگیراوی کوژراو، عوسمان حاجی حوسێنی، پاش بانگهێشت بۆ ئیدارەی ئیتلاعاتی پیرانشار دەسبەسەر كرا .
ڕۆژی شەممە ٢٨ی خاكەلێوە،ژنێكی تری كورد بە ناوی ”گوڵاڵە مرادی”و دوو كوڕەكەی بە ناوەكانی”مەتین بەزازی” ١٤ ساڵە و ”تاهیر بەزازی”٢٠ ساڵە خەڵكی پیرانشار پاش كوژرانی بەکرێگیراوی ناوبراو، دەسبەسەر كران.
جێگای ئاماژەیە کە ئەوانەی کە دەسبەسەرکراون هەموویان خزمی عوسمان حاجئ حوسێنی، بەکرێگیراوی کوژراون کە لە ڕۆژانی ڕابردوودا لە هێرشێکی چەکداریدا کوژرا.
بە پێی هەواڵی هەواڵدەرییەكان، ”سەفیە مامەشپوور” پاش لێپرسینەوەی سەرەتایی ڕەوانەی گرتنگەی هێزەكانی سوپای پاسدارانی ورمێ كراوە.
هەروەها رۆژی چوارشەمە ١ی بانەمەڕی١٤٠٠ی هەتاوی، هێزەکانی ئیتلاعاتی سپای پاسدارانی شنۆ دوو برا، خەڵکی “عەلی ئاوای” سەر بە شنۆ بە ناوەکانی ” نوورەدین حوسێنی” و “سەلاح حوسێنی”یان دەستبەسەر کرد.
ئەو دوو برایە بە بێ هیچ مۆڵەتێکی یاسایی، بە تۆمەتی هاوکاریی لەگەڵ حیزبێکی کوردستانی دژبەری کۆماری ئیسلامی دەستبەسەر کران و بۆ شوێنێکی نادیار گوازراونەتەوە.
