شۆرای هاوکاریی وڵاتانی عەرەبیی: سیاسەتە ناوچەییەکانی تاران وبەرنامەی مووشەکیی ئێران دەبێ بەشێک لە وتووێژە ناوکییەکانی ویەن بێ.
دوکتور نایف ئەلحەجرەف، سکرتێری گشتیی، شۆرای هاوکاریی وڵاتانی عەرەبیی، ڕۆژی چوارشەممە ٢٥ی خاکەلێوەی ١٤٠٠ی هەتاوی، جەختی لەسەر پێویست‌بوونی بەشداریی ئەندامانی شۆرای هاوکاریی ولاتانی عەرەبیی لە وتوویژەکانی ویەن کردەوە و وتی: ئێمە بۆ پاراستنی وڵاتانی خۆمان و سەقامگیریی ڕۆژهەڵاتی ناوەڕاست پێویستە لەم وتووێژانەدا بەشداربین.
ئەلحەجرەف، لەنامەیەکدا بۆ وەزیرانی دەرەوەی ئەمریکا، ڕووسیە، چین، فەرانسە، بریتانیا و ئاڵمان جەختی لەسەر ئەوە کردەوە کە شۆرای هاوکاریی وڵاتانی عەرەبیی، یەکێک لە بەشدارانی سەرەکیین بۆ پاراستنی ئەمنییەت وسەقامگیری لە ڕۆژهەڵاتی ناوەڕاست و بۆیە زۆر پێویستە بەشداری لە وتوێژە ناوکییەکانی ویەن بکا.
ناوبراو هەرەها وتی: ئەو وتووێژانەی کە لەئێستادا لە ویەن بەڕێوە دەچێ، نابێ تەنیا لەسەر بەرنامەی ناوکیی ئێران بێ، بەڵکوو دەبێ وتوویژەکان، بەرنامەیی مووشەکی بالستیک و هەوڵەکانی ڕێژیمی ئێران بۆ ناسەقامگیریی لە ڕۆژهەڵاتی ناوەڕاستدا لەخۆ بگرێ.
