بڕیاری دەسبەسەرکردنی دوو هاووڵاتیی خەڵکی مەهاباد کە هاوکات لەگەڵ شەپۆلی دەسبەسەرکرانی هاووڵاتییانی کورد لە مانگی بەفرانباری ساڵی ڕابردوودا دەسبەسەر کرابوون، بۆ چوارەمین جار نوێ کرایەوە.
بەپێی ڕاپۆرتی ڕێکخراوی مافی مرۆڤی هەنگاو، ڕۆژی شەممە ٢١ی خاکەلێوەی ١٤٠٠ی هەتاوی، بڕیاری دەسبەسەربوونی دوو هاووڵاتی خەڵکی مەهاباد بە ناوەکانی “فەرزاد سامانی” و “ساکار عەینی”، بۆ چوارەمین جار نوێ کرایەوە و ئەو دوو هاووڵاتییە تا ئێستاش لە گرتنگەکانی ئیتلاعاتی سپای پاسداران لە ورمێ ڕاگیراون.
بەپێی زانیارییەکان، بنەماڵەی ئەو دوو هاووڵاتییە سەردانی لقی ٣ی بەشی لێکۆڵینەوەی خانەی دادی گشتی و ئینقلابی ڕێژیم لە مەهابادیان کردووە، کە لە لایەن لێکۆڵەر “مێهدی سەیدینیا” پێیان ڕاگەیەندراوە کە بڕیاری دەسبەسەربوونی فەرزاد سامانی و ساکار عەینی بۆ جاری چوارەم نوێ کراوەتەوە و ئەو دوو چالاکە کوردە بە مەبەستی دانپێدانانی زۆرەملێ و هاوکاری لە گەڵ لێکۆڵەران لە لایەن هێزە سەرکوتکەرەکانەوە، لە ژێر گوشاردان و نوێکردنەوەی بەردەوامی بڕیاری دەسبەسەربوونیان لەم ڕاستایەدایە.
نوێکردنەوەی بڕیاری دەسبەسەرکردنی دوو کەس لە دەسبەسەرکراوانی مانگی بەفرانبار
نوێترین
