موقتەدا سەدر، لە پەیامێکدا پێشوازی لە هەنگاوەکانی دەوڵەتی عێراق بۆ کردنەوەی دەرگای پێوەندییەکانی نێوان عێراق و وڵاتانی عەرەبی کرد.
ڕێبەری شیعەی ڕەوتی سەرد، موقتەدا سەدر، ڕۆژی یەکشەممە ١٥ی خاکەلێوەی ١٤٠٠ی هەتاوی، لە تۆڕی کۆمەڵایەتیی تویتێر بەبڵاوکردنەوەی پەیامێک، هەوڵەکانی مستەفا کازمی، سەرۆک وەزیرانی عێراقی بۆ ئاسایی کردنەوەی پێوەندییەکانی نێوان عێراق و وڵاتانی عەرەبی بەرزنرخاند و رایگەیاند کە ئەم هەنگاوانەی کازمی بۆ ئاسایی کردنەوەی پێوەندییەکان لە نێوان وڵاتانی عەرەبستان وئیماراتی یەکگرتووی عەرەبی هەنگاوێکی درووستە و پشتیوانی خۆی بۆ مستەفا کازمی دووپات کردەوە.
شایانی باسە کە مستەفا کازمی ڕۆژی یەکشەممە، لە چوارچێوەی چاوپیکەوتنێکدا و بەمەبەستی ئاسایی کردنەوەی پێوەندییەکانی نیوان عێراق و وڵاتانی عەرەبی سەردانی وڵاتی ئیماراتی یەکگرتووی عەرەبی کرد.
