سەرلەئێوارەی رۆژی شەممە ١٤ی خاکەلێوەی ١٤٠٠ی هەتاوی، بە بۆنەی ١٠ی خاکەلێوە، ساڵوەگەڕی شەهیدکرانی سەرۆک کۆماری کوردستان پێشەوا “قازی محەممەد” و هاوڕێیانی و ڕێزگرتن لە شەهیدانی کوردستان، کۆمیتەی ئاڵمانی حیزبی دێموکراتی کوردستان وێبینارێکی بۆ ئەندامان و لایەنگران و دۆستانی حیزب له وڵاتی ئاڵمان بەڕێوەبرد.
وێبینارەکە بە سروودی نەتەوایەتیی “ئەی ڕەقیب” و ساتێک بێدەنگیی بۆ رێزگرتن لە گیانی پاکی شەهیدانی کورد و کوردستان دەستیپێکرد و دواتر شاعیری نیشتمانپەروەر و هەست ناسکی گەلەکەمان، “خاڵە قازی”، بە بۆنەی ڕۆژی شەهیدانی کوردستانەوە وتەیەکی کورتی پێشکەش کرد و پاش بەرزنرخاندن و گەورەیی کۆماری کوردستان و باسکردن لەسەر کەساێەتیی پێشەوای مەزن قازی محەممەد و هاوڕێیانی، چەند شیعرێکی نیشتمانیی و پڕ ناوەرۆکی خوێندەوە.
لە درێژەی وێیبنارەکەدا، خالید گیاڕەنگی،خەدیجە سولەیمان پوور، ناسێح ئەمینی وەک بنەماڵەی شەهید بەم بۆنەوە پەیامیان پێشکەش کرد.
دواتر خاتوو “سومەیە خزری”، بەرپرسی یەکیەتیی ژنانی دێموکراتی کوردستان لە وڵاتی ئاڵمان، وتارێکی لەژێر ناوی “١٠ی خاکەلێوە، رۆژی شەهیدانی کوردستان، هێمایەکی گرینگی نەتەوەیی” پێشکەش بە بەشداربوان کرد.
لەبەشی کۆتایی وێبینارەکەدا هەریەک لە هونەرمەندانی دەنگخۆش و نیشتیمانپەروەر، هاوڕێ “رافا سەرڕووتی” بە سرودی”کوردستانەکەم نیشتمانەکەم” و هاوڕێ “سەمەد کاکە حەمە” بە سروودی “من پێشمەرگەی کوردستانم” و هاوڕێ “مەناف مەجیدی”، بە ئامێری دیوان و پارچە مووزیکێکی شۆڕشگێڕیی بەشدار بوون و رێزیان لەو رۆژە مێژووییە گرت.
بەڕێوەچوونی وێبینارێک به بۆنەی رۆژی شەهیدانی کوردستان لە لایەن کۆمیتەی حیزب لە وڵاتی ئاڵمان
نوێترین
