پتر لە ٨٦٠ یەكەی پیشەسازیی گەورەو بچووك كە لە ٢١ شارەكو ناوچەی پیشەسازی لە پارێزگای كرماشان لە چەند ساڵی ڕابردوو لێدرابوون، ئێستا بە هۆی نەبوونی نەغدینەییو وەستان داخراون.
بەپێی ڕاپۆرتی هەواڵدەریی موكریان، جێگری پیشەسازیو كانگاكانی پارێزگای ورمێ وێڕای پشتڕاستكردنەوەی ئەم هەواڵە كە سەدی ٧٥ی یەكەكانی پیشەسازی داخراون یان بە ئاستێكی زۆر كەم بەرهەمیان هەیەو زیاتر لە ٢٠٠ كرێكاری بە ئەزموونو كارامە بێکار كراون.
حەوتووی ڕابردووش ناوەندی ئاماری ئێران بە بڵاوكردنەوەی نرخی بێكاری ڕایگهیاند که پارێزگای كرماشان به رخی بیکاریی سەدی ١٩، بەرزترین نرخی بێكاریی لە نێو سهرجهم پارێزگاكانی ئێراندا ههیه.
لە لایەكی دیكە ڕەزا ڕەحیمی، جێگری كاروباری ئابووریو پەرەپێدانی سەرچاوەی ستانداری كرماشانیش لە ڕێوڕەسمی ناساندنی سەرۆكی نوێی ڕێكخراوی پیشەسازی، سامانەكانو بازرگانی گوتبووی که لە شانو شکۆی خەڵكی كرماشاندا نیە كە لە ئاستی بێكاریدا لە پلەكانی یەكەمو لە بواری داهاتیش لە پلەكانی خوارەوەی ئێراندا بێ، بەڵام ناوبراو لە هەمبەر ئەم هەلومەرجە خراپەی ئێستادا نهیگوت که کێ تاوانبارهو له سۆنگهی چی کرماشان وایه.
