سەردانی ڕێبوارانی ڕێگەی شەهیدانی کوردستان بۆ سەر گڵکۆی پێشەوا قازی

لەبەرەبەری ١٠ی خاکەلێوە ساڵڕۆژی لە سێدارەدانی پێشەوا قازی محەممەد و ڕۆژی شەهیدانی کوردستان، ڕێبوارانی ڕێگەی شەهیدانی کوردستان سەردانی گڵکۆی پێشەوا قازی محەممەدیان کرد.
بەپێی هەواڵی گەیشتوو لە کۆمیسیۆنی تەشکیلاتی حیزبی دێموکراتی کوردستانەوە، ڕۆژی یەکشەممە ٨ی خاکەلێوەی ١٤٠٠ی هەتاوی، ئەندامان و لایەنگرانی حیزبی دێموکرات لە مەهاباد سەردانی مەزارگەی پێشەوا قازی محەممەد و هاوڕێیانیان کرد و بەڵێنیان بەو ڕێبازە نوێ کردەوە کە درێژە دەری ڕێگای پیرۆزی شەهیدان بن.
هەر لەو پێوەندییەدا، لە شاری ڕەبەت بەبۆنەی ١٠ی خاکەلێوە ڕۆژی شەهیدانی کوردستان دڵسۆزان و ڕێبوارانی ڕێگەی شەهیدان لە کۆڵان و شەقامەکانی ئەو شارە چالاکیی تەبلیغییان بەڕێوە برد.
ئەندامان و لایەنگرانی ڕێبازی حیزب، لە گەڕەکەکانی کەمەربەندی، مەکتەبی نیلوفەر و فەلەکەی مەیدانی مامۆستا هەژاری ئەو شارە، بەبۆنەی ڕۆژی شەهیدان دروشمی تایبەت بەو ڕۆژە و چالاکی تەبلیغییان بەڕێوە برد.

 

1 of 5

- +

1.

2.

3.

4.

5.