ژمارەیەک کەسایەتی وڕێکخراوی ژینگەپارێز و خەڵکی ڕۆژهەڵاتی کوردستان لە بەرەبەری نەورۆز و نوێبوونەوەی ژیاندا، دەستیان بە نەمام چاندن کردووە.
ڕۆژی شەممە ٢٣ی ڕەشەمەی ٩٩ی هەتاوی، ژمارەیەک لە ڕێکخراوەکان و خەڵکی ژینگەپارێزی ناوچەی پیرانشار، لە بەرەبەری ساڵ و نەورۆزی نوێبوونەوەدا لە شاخەکانی کوردستان دەستیان بە نەمام چاندن کردووە و شاخەکانی کوردستان دەڕازێننەوە و گرینگی تایبەت بە ژینگەی کوردستان دەدەن.
شایانی باسە کە کۆماری ئیسلامی بە درێژایی مێژووی پێشێلکاریی خۆی، بەردەوام هەوڵی وێرانکاری کوردستانی داوە و تەنیا خاکی کوردستانی بۆ بەرژەوەندییەکانی خۆی بەکار هێناوە و سەروەت و سامانەکەی بە تاڵان بردووە، بەڵام خەڵکی نیشتمان پەروەر تا ئێستاش نەیانهێشتووە پیلانی وێرانکردنی ژینگەی کوردستان لەلایەن ڕێژیمی ئێرانەوە سەربگرێ بۆیە بەردەوام بە گرینگییەکی تایبەتەوە هەوڵی پاراستنی ژینگەی کوردستان دەدەن.
