بەرپرسانی ئیلام باس لە بەرزبوونەوەی سەدی ٢٣ی تەڵاق لە ماوەی ٩ مانگی سەرەتای ئەمساڵدا دەكەن.
مەجید كاكی، جێگری فەرمانداری ئیلام دهڵێ بەپێی ئامارێك كە له ٩ مانگی سەرەتای ئەمساڵدا گیراوه، دەركەوتووە که لە ئاستی ئەم شارەدا ڕێژەی لە دایكبوونی مناڵەكان زیاتر بووهو ئاستی مردنی خەڵكیش لە چاو ماوەی هاوشێوەی ساڵی پێشوو لە كەمی داوە.
ئەم كاربەدەستە هەروەها باس لە بەرزبوونەوەی ڕێژەی تەڵاق تا ئاستی سەدی ٣٢ له ئیلامدا دهکاو دهڵێ: لە ٩ مانگی سەرەتای ئەمساڵ ٣٨٧ حاڵەتی تەڵاق لەم شارە تۆمار كراوە، ئەوە لە حاڵێكدایە كە ئەم ئامارە لە ساڵی ڕابردوو له ماوهی هاوشێوهدا ٢٩٢ حاڵەت بووە.
پێشتریش دوكتور شاپوور كوردی، ڕاوێژكاری خێزانو بنهماڵه لە ڕێكخراوی بێهزیستی گوتبووی لە پارێزگای ئیلام سەدی ١٠ی زەماوەندەكان ئاکامهکهی تەڵاقو لێك ترازانه.
ناوبراو وێڕای ئاماژە بە چەند هۆكارێكی وەك بێكاریو ئیعتیاد كە لە گرینگترین هۆكارەكانی بەرزبوونەوەی ئاستی تەڵاقو لێك جیا بوونەوەی ژن و مێردەكانن، گوتبووی لە هەر ١٢ پەروەندەی تەڵاق كە لەم پارێزگایە پێك دێ، ٨ پەروەندە پێوەندیێیان بە ئیعتیاد به ماده هۆشبهرهکانەوە هەیە.