كۆمەڵێك لە بازاڕی، کاسبکار، ئاژەڵدارانو چێودارەكانی ورمێ لەبەردەم بینای پارێزگاریدا كۆ بوونەوەو سهبارهت به داخرانی مهیدانی حهیوانانی ئهو شاره، وهک تهنیا شوێنی کاسبیو بژیوی ئهوان ناڕەزایەتییان دەربڕی.
بەپێی ڕاپۆرتی هەواڵدەریی موكریان، بابهتی گواستنەوەو جێگۆڕكێی مەیدانی “حهیوانان” كە داخرانی ئەم مەیدانەی لێ كەوتەوە، ساڵانێكە لە ئارا دایەو لە لایەن شارەداریی ورمێو ڕێكخراوە پێوەندیدارەكانەوە بەدواداچوونی بۆ دهکرێ؛ تا ئهوهی بڕیار درا ئهو بازاره کۆبکرێتهوه.
بە قسەی چاوەدێرانی كۆمەڵایەتی ئەم گەڵاڵەیە سەرەڕای ئەم خاڵە باشانەی كە لە بواری بێهداشتیو ڕێكخستنی كاروباری فرۆشتنو كوشتنەوەی مەروماڵاتەوە هەیەتی، بەڵام گەورترین كێشەشی وەبەرچاو نەگرتنی بارودۆخی ئەم چینە هەژارەیە كە بە وەست كەوتنی بڕەداهاتێك لەم ڕێگەوە بژێوی ژیانیو ماڵو مناڵیان لەم ڕێگەیەوە دابین دەكەن.
بەپێی ئەم ڕاپۆرتە چێودارەكانو باقی ئەم كەسانەی كە لە مەیدانی حهیوانان خەریكی كارو كاسبین، توانای ئابووریی پێویستیان بۆ گوێستنەوەی ئەم مەیدانەو جێگیر بوون لە شوێنی نوێ نییەو لە لایەكی دیكەوە شارەداریو سەرمایەدانەری ئەم پرۆژەیەش بەنیازی پاشگەز بوونەوە لەم بڕیارەی خۆیان نین.
